Mandĩko ma ibuku rĩĩrĩ nĩ momĩrĩra ma maũndũ makoniĩ wonjoria na
ũtonga marĩa mwandĩki ũyũ andĩkĩte kuuma mwaka wa 2015 kinya
2025. Mandĩko maya na rũthiomi rwa Gĩkũyũ, maraheana ũria
maũndũ marathiĩ magarũrũkĩĩte, njĩra njerũ cia wonjoria ikeyumĩria na
gũkagĩa na itũmi iria itũkinyĩĩtie haha kwa ihinda rĩa mĩaka mĩingĩ
mĩhĩtũku. Tũkĩrora ũrĩa ũtonga ũrathiĩ ũgarũrũkĩte thĩ yothe ona gũkũ
bũrũri-inĩ wa Kenya, ũcokanĩrĩria wa ũũgĩ ũyũ nĩ ũgũtũhe mũhiano
mwega wa wonjoria na ũtonga, na ũrĩa ũrathiĩ na mbere kũrehe
ũgarũrũku mĩhang’o-inĩ ya wonjoria, mĩtaratara ona mĩoroto Tũkĩrora
mogarũrũku marĩa monekete mahinda na mahinda, mũthoomi wa
ibuku rĩĩrĩ nĩ ekũgĩa na ũmenyo mũrikĩru wa ũrĩa maũndũ marathiĩ
magarũrũkĩĩte, thũgũrĩ na ndũnyũ nyingĩ ikoimĩra, gũkagĩa na iganda
ona mĩtũũrĩre ĩkagarũrũka. Ũngĩkorũo ũrĩ mũthuthuria wa maũndũ
ma thũgũrĩ na uthii wa na mbere, kana mũrutwo, mutabarĩri wa
mĩbango ya ũtonga na wonjoria, ona kana mũrori wa maũndũ megiĩ
ũkũria wa wonjoria, ibuku rĩĩrĩ nĩ uguni mũnene harĩ we nĩũndũ wa
ũnyitithania wa marĩa meekagũo hĩndĩ ya tene na marĩa marekwo rĩu.
Na nĩngĩ nĩ ũkũgĩa na ũmenyo mwega wĩgĩe ũtonga na wonjoria wa
matũkũ marĩa marooka